Howlgal aad u ballaaran oo ay saacadihii la soo dhaafay sameeyeen ciidamada Macawiisleyda gobolka Hiiraan ayey ku beegsadeen xarumo ay ku sugnaayeen kooxda Al Shabaab.
Ciidamada Macawiisleyda ayaa ka war helay in xubno ka tirsan Al Shabaab ay ku dhuumaaleysanayaan gudaha Deegaanka Halgan ee gobolka Shabeelaha Hoose, iyagoo halkaasi ka sameeyey howlgalo ballaaran, sida ay warbaahinta u sheegeen Saraakiisha Macawiisleyda.
Saraakiisha ayaa intaasi ku daray in ay cagta mariyeen saldhigyo ay Al Shabaab halkaasi ku lahaayeen, waxeyna hoosta ka xariiqeen in ay sii wada doonaan howlgalada ceynkan oo kala ah.
Ciidamada Macawiisleyda ayaa indhaweydba garab u ahaa ciidamada dowladda Soomaaliya, waxaana ciidamada ay kaalin mug leh ka qaateen dagaalkii Al Shabaab looga saaray inta badan gobollada Shabeelaha Dhexe, Hiiraan iyo Galgaduud.