Isku aadka kooxaha ee horyaalka UEFA Champions League ayaa maanta oo khamiis ah lagu qabtay magaalada Istanbul oo martigelin doonta ciyaarta finalka June 2023.
Horyaalka oo ay usoo baxeen 32 kooxood ayaa marka laga reebo 26 kooxood oo si toos ah ugu soo baxay isreebreebka tooska ah ee kooxaha ah ayaa waxaa weheliya 6 kooxood oo ku soo baxay wareega isreebreebka oo nasiib u yeeshay kadib markii magacyadooda la shaaciyay.
Kooxaha ayaa loo qeybiyay 8 group kooxood waxaana ugu adag group-ka “C” oo noqonaya group-ka dhimashada waxaana ku wada jira saddex kooxood oo ka mid ah kooxaha ugu adag kubadda cagta kuwaas oo kala ah: Bayern Munich, Barcelona iyo Inter Milan oo ay weheliso kooxda dalka Czech ka dhisan ee Viktoria Plzen.
Geoup-ka kale ee ugu adag ee isna dhimashada ah ayaa ah group-ka “H” kaas oo ay ku wada jiraan kooxaha PSG, Juventus, Benfica iyo Maccabi Haifa.
Shaxda isku-aadka kooxaha 2022/23 (Champions League)
| Pot 1 | Pot 2 | Pot 3 | Pot 4 | |
| Group A | Ajax Amsterdam | Liverpool | Napoli | Rangers |
| Group B | FC Porto | Atletico Madrid | Bayer Leverkusen | Club Brugge |
| Group C | Bayern Munich | Barcelona | Inter Milan | Viktoria Plzen |
| Group D | Eintracht Frankfurt | Tottenham | Sporting CP | Marseille |
| Group E | AC Milan | Chelsea | RB Salzburg | Dinamo Zagreb |
| Group F | Real Madrid | RB Leipzig | Shakhtar Donetsk | Celtic |
| Group G | Manchester City | Sevilla | B. Dortmund | FC Copenhagen |
| Group H | PSG | Juventus | Benfica | Maccabi Haifa |