Afhayeen u hadlay Wasaaradda Arrimaha Dibadda Iran ayaa mar kale beeniyay in ay jireen wax wadahadallo ah oo dhex maray saraakiil ka socota Maraykanka
Esmaeil Baqaei ayaa sheegay in Iran “aysan wax wadahadal ah la yeelan Maraykanka 31-kii maalmood ee la soo dhaafay,” isaga oo tixraacaya muddadii uu dagaalku socday.
Wuxuu sheegay in waxa dhacay ay ahaayeen oo keliya codsi wadahadal oo ka yimid Maraykanka iyo soo jeedimo la socday, kuwaas oo Iran lagu soo gaadhsiiyay dhexdhexaadiyeyaal ay ka mid tahay Pakistan.
Wuxuu intaas ku daray: “Mawqifkayagu waa mid cad. Inta uu socdo weerarka militari ee Maraykanka, dadaalkeenna oo dhan wuxuu ku wajahan yahay difaaca Iran.”
Sidoo kale wuxuu sheegay in Iran aysan illoobi doonin “khiyaanadii diblomaasiyeed ee loo geystay laba jeer muddo ka yar hal sano gudaheed.”