Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa kulan casho sharaf iyo xog-wareysi isugu jira hoygiisa kula yeeshay Xildhibaannada labada Aqal ee deegaan doorashadoodu tahay Puntland.
Ra’iisul Wasaaraha ayaa Xildhibaannada warbixin ka siiyey heshiisyadii Golaha Wadatashiga Qaranka iyo dadaalka Xukuumadda Dan-Qaran ee ku aaddan sidii loo ilaalin lahaa nabadda iyo xasilloonida Puntland, islamarkaana khilaafka jira wada-hadal loogu dhammeyn lahaa.
Waxaa sidoo kale kulanka looga hadlay xaaladda Gobolka Sool iyo xal u helidda colaaddaha ka jira gobolkaasi.
Mudane Xamsa ayaa ugu baaqay xildhibaannada inay ka shaqeeyan nabadda iyo xasilloonida dalka, si loo xaqiijiyo horumarka la hiigsanayo.
Kulanka ayaa waxaa goobjoog ka ahaa Guddoomiye Ku-xigeenka 1aad ee Golaha Shacabka, Marwo Sacdiya Yaasiin Xaaji iyo Guddoomiye Ku-xigeenka Labaad ee Aqalka Sare, Mudane Cabdullaahi Cali Xirsi (Timacadde), iyadoo ugu dambeyn si wanaagsan la isugu afgartay.
TRENDING
- Qormo: Dhulboobka Muqdisho iyo tacadiyada loo geysanyo rayidka
- Ruushka oo dhaq-dhaqaaqyo xoogan uga jawaabay caddaadisa dhaqaalle ee uga imanaya Yurub
- Ruushka iyo Venezuela oo heshiis iskaashi kala saxiixday
- Xaaladda guud ee siyaasadda Gaza iyo Israa’ii oo weli fulineysa duqeymo
- Khasaare xoogan oo ka dhashay dagaallada ka socda Waqooyiga gobolka Darfur ee Sudan
- Diyaaradaha Dagaalka Mareykanka oo lagu arkay xeebaha Venezuela
- Duqeymaha ay diyaaradaha shisheeye ka fuliyaan Soomaaliya oo waxyeelo badan gaarsiiyey rayid
- Canbaareynta ONLF ee Xarig jarka Mashruuca Gaaska Dabiiciga ah dagaal cusub ma horseedi kartaa?
Wednesday, November 5
