Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi ayaa ka tacsiyeeyay geerida ku timid Alle ha u naxriistee marxuum Ugaas Cabdullaahi Ugaas Xaashi Ugaas Faracade oo ku geeriyooday magaaladda barakeysan ee Makkah Al-Mukarramah ee Dalka Boqortooyada Sucuudi Carabiya.
Ugaas Cabdullaahi Ugaas Xaashi Ugaas Faracade, wuxuu ka mid ahaa hoggaanka dhaqanka Soomaaliyeed ee soo jireenka ah, udub dhexaadna u ahaa nabadaynta, dib u heshiisiinta, isagoo kaalin way ka soo qaatay dowlad dhiska dalka.
Guddoomiyuhu wuxuu marxuumka Alle u waydiinayaa in uu Jannatul Fardowsa ka waraabiyo Samir iyo iimaanna uu ka siiyo qoyskii, qaraabadii iyo eheladii kale oo uu marxuumku ka geeriyooday.
Innaa lillaahi wa innaa ileyhi raajicuun
