Halkani waxaa idinkugu soo koobeynaa dhacdooyiinkii saacadihii ugu danbeeyey, laga soo werinayo dagaalka bariga dhexe, oo galaya maalintii 34-aad, iyadoo weli duqeymaha iyo weeraradu ay socdaan.
Saacadihii ugu danbeeyey Weerar uu Maraykanku ku qaaday buundada B1 ee Iran — oo ah buundo dhowaan la dhisay oo isku xirta magaalada Karaj iyo caasimadda Tehran — ayaa si qayb ah u burburiyay dhismaha, wuxuuna sababay ugu yaraan 8 dhimasho iyo ku dhawaad 100 dhaawac.
Sidoo kale Wasiirka Difaaca ee Maraykanka, Pete Hegseth, ayaa ka sheegay in Taliyaha Ciidanka Dhulka, General Randy George, uu iska casilay xilkiisa, sida ay ilo wareedyo u sheegeen CBS News ay u sheegeen.
Waxaa xusid mudan in Qiimaha shidaalka uu sii kordhayo, iyadoo qiimaha Brent crude uu kor u kacay 7.78%, gaarayana $109.03 halkii foosto.
Sidoo kale Mas’uuliyiinta iyo shacabka Iran ayaa si adag uga falceliyay hadal uu jeediyay Madaxweyne Trump oo sheegay in Iran “ku habboon tahay” inay ku noolaato “xilligii qadiimiga ahaa ee aysan wali xadaaradda soo if-bixin”.
Dhanka kale Midowga Yurub ayaa ka fiirsanaya inuu kordhiyo ciidamadiisa badda si loo ilaaliyo maraakiibta maraysa marinka Hormuz, kaas oo dagaalku carqaladeeyay.
Docda kale Weerarro cusub ayaa laga soo sheegay Israel, kuwaas oo ka yimid Iran iyo Yemen; Qatar iyo Kuwait ayaa soo riday diyaarado drone ah; halka Sacuudi Carabiya iyo Imaaraadka Carabta ay sheegeen gantaallo iyo drones ku wajahan hawadooda. Dhanka kale, Iran waxaa ka dhacay weerarrogaar ahaan Tehran iyo Karaj.
Sida wararku sheegayaan Mid ka mid ah weerarrada ayaa sababay qaraxyo waaweyn oo ka dhacay saldhigga gantaallada ee Isfahan ee Iran.
