Arsenal ayaa ku rajo weyn inay heshiis la gaarto cayaaryahanka kooxda Manchester City ee Oleksandr Zinchenko.
Kooxda Mikel Arteta ayaa dib u soo ceshatay xiisaha ay u qabto Zinchenko, oo 25 jir ah, ka dib markii ay waayeen daafaca Ajax Lisandro Martinez, kaasoo ku sii dhowaanaya inuu u dhaqaaqo Manchester United.
Wadahadalada ayaa socda, iyadoo City la filayo inay Zinchenko ku dalbato adduun dhan 35 milyan ginniga istarliinka.
Ciyaaryahanka heerka caalami ee dalka Ukraine ayaa ka ciyaari kara daafaca bidix ama khadka dhexe, kuwaas oo ah laba boos oo Arsenal ay dooneyso inay iska xoojiso xagaagan.
Zinchenko ayaa labo sano uga harsan tahay qandaraaskiisa City.
